नयाँदिल्ली, जेठ २६ । दिल्ली पुलिसको स्पेशल सेलले दक्षिणी दिल्लीको छतरपुरमा शनिबार एक इन्काउण्टरमा चार जना कुख्यात अपराधीहरुलाई मारिदिएको जनाएको छ ।
इन्काउण्टरमा ६ जना प्रहरी पनि घाइते भएको बताइएको छ । भने एक जना अपराधीको उपचार भइरहेका छ । मारिनेमा कुख्यात अपराधी राजेश भारती पनि रहेको प्रहरीले जनाएको छ । भारतीसहित उसको ग्याङका ५ जना इन्काउण्टरमा गम्भीर घाइते भएका थिए ।
भारतीय अधिकारीका अनुसार उनीहरुलाई उपचारका लागि अस्पताल लगिएको थियो तर उनीहरुको बाटैमा मृत्यु भइसेकेको पुष्टी चिकित्सकहरुले गरे । कुख्यात अपराधी राजेश भारतीविरुद्ध कयौं गम्भीर आरोपसहित मुद्दाहरु दर्ता भएका बताइएको छ ।
साथै भारतीय हरियाणा प्रहरीले हिरासतबाट फरार अभियुक्त पनि हुन । भारतीको सुराकीका लागि एक लाख भारतीय रुपैयाँको पुरस्का। पनि राखिएको थियो । घटनाबारे विस्तृत अनुसन्धान शुरु भएको र थप विवरण आउन बाँकी रहेको बताइएको छ ।
