इलाम । मेची राजमार्ग अन्तरगत ईलामको रोङ गाउँपालिकामा बस दुर्घटना भएको छ। दुर्घटनामा परी बसमा सवार १२ जना घाइते भएका छन्। इलामबाट झापातर्फ आउँदै गरेको को १ ख ४७१७ नम्बरको बस शनिबार राती ८ बजेतिर रोङ गाउँपालिका ४ भालुझोडा भन्ने स्थानमा सडकबाट करिब ५० मिटर तल खसेको हो।
दुर्घटनबाट घाइते हुनेमा भारत नरपतगञ्ज बस्ने शारदादेवी सिंह, ईलाम रोङ–४ बस्ने रंजिता लेप्चा, सोही ठाउँका समिक्षा लेप्चा, मोरङ बुढीगंगा गाउँपालिका २ बस्ने ममता सिंह, सोनीदेवी मण्डल, उनकी नातिनी वर्ष ११ की अन्जनी कुमारी मण्डल, बढीगंगा–१ बस्ने पार्बती चौधरी, बुढीगंगा–२ बस्ने बद्री मन्डल शिवकुमारी मण्डल, रामनारायण चौधरी, सुष्मा बिश्वास, अनामिका माझी रहेका छन्।
घाइते मध्ये दुई जनाको अवस्था गम्भीर रहेको प्रहरीले जनाएको छ । सबै घाइतेको बिएण्डसी अस्पतालमा उपचार भईरहेको छ। बसकका चालकलाई प्रहरीले नियन्त्रणमा लिएको प्रहरी चौकी किटेनीले जनाएको छ ।