काठमाडौं । भारतले अलपत्र परेको एक हजार पाँच सय ७५ भारतीय तिर्थयात्रुको उद्धारका लागि नेपाली सेनासँग आग्रह गरेको हो । नेपालका विभिन्न ठाउँमा अलपत्र परेको भारतीय तिर्थयात्रुको उद्धारका लागि भारतीय विदेशमन्त्री सुष्मा स्वराजले नेपाली दूतावासमार्फत नेपाली सेनालाई आग्रह गरेकी हुन् । सामाजिक सञ्जाल ट्वीटरमार्फत उनले अलपत्र परेका यात्रुको विवरणसहित हटलाइन नम्बर सार्वजनिक गरेकी छन् ।
Pl RT
Pranav Ganesh First Secy +977-9851107006
Tashi Khampa +977-98511550077
Tarun Raheja +977 9851107021
Rajesh Jha +977 9818832398
Yogananda +977 9823672371 (Kannada)
Pindi Naresh +977 9808082292 (Telugu)
R Murugan +977 98085006 (Tamil)
Ranjith +977 9808500644 (Malayalam)— Sushma Swaraj (@SushmaSwaraj) July 3, 2018
हुम्लाको सीमीकोटमा ५२५, हिल्सामा ५५० र तिब्बततिर ५०० तीर्थ यात्री अलपत्र परेको स्वराजले उल्लेख गरेकी छन् । अविरल बर्षापछि आएको बाढी र पहिरो तथा उडान प्रभावित हुँदा अलपत्र परेका उनीहरुलाई आवश्यक खानेकुरा तथा औषधीलगायतका सामाग्रीको व्यवस्था गरी सिमिकोटमा स्वास्थ्य जाँचको व्यवस्थामा प्रभावकारीत देखाउने उनले नेपालस्थित भारतीय दूतावासलाई निर्देशन दिएकी छन् । नेपालगञ्जबाट जुम्ला, हुम्ला, डोल्पा र मुगुमा दैनिक उडान हुने गरेको भएपनि वर्षाका कारण उडान रोकिएको छ ।
