रौतहट । रौतहटमा १२ बर्षिय शनिदेवल शाहको अपहरणपछि निर्मम हत्या भएको छ ।
जिल्लाको कटहरिया नगरपालिका वडा नम्बर ९ का दिलिप शाहका १२ बर्षीय शनिदेवल शाहको गत शनिबार राति हत्या भएको हो । आफ्नो कलिलो छोराको निर्मम हत्यापछि परिवारमा रुवाबासी चलेको छ । परिवारले अपहरणपछि हत्या गर्ने अपराधीलाई हदैसम्मको सजायको माग गर्नु भएको छ ।
दिदिहरु संग सुतिरहेको बालकलाई ओछ्यानबाट उठाएर गाउँभन्दा निकै टाढा बागमती नदीको सुनसान स्थानमा राखेर अपहरणकारीहरुले हात–खुटा भाँचेको, छातीको करंगहरु भाँच्नुको साथै शरीरको विभिन्न भागमा करेन्ट लगाएर आँखा फुटाएर कन्चटमा गोली हानी निर्मम हत्या गरेको अवास्थामा शव फेला फरेको थियो ।
हत्याको आरोपमा प्रहरीले वडाध्यक्ष रामअज्ञासहित उनका भाइहरु रामबाबु, लालबाबु, शक्ति यादव, बृन्दावन नपाको आकडपाकर टोलका रवी पटेल, विनोद पटेल, स्थानीय डुमरियाकै प्रविण यादव, सुनिल यादवसहित १२ जनालाई नियन्त्रणमा लिएर अनुसन्धान गरिरहेको जिल्ला प्रहरी कार्यालय रौतहटले जनाएको छ ।
भिडियो हेर्नुहोस:
