काठमाडौं, १० असार । प्रहरीले ५४ ग्राम ब्राउन सुगर सहित नेपाली सेनाका मेजरलाई पक्राउ गरेको छ ।जिल्ला प्रहरी कार्यालय बाँकेबाट खटिएको प्रहरीको बिशेष ब्युरोले ब्राउन सुगर सहित नेपाली सेनाका मेजर धिरेन्द्रजंग शाही र ब्राउन सुगर कारोबारी रिम पौडेललाई पक्राउ गरेको हो ।
मेजर शाही ब्राउन सुगर खरिद गर्न गएको भन्ने सूचनाका आधारमा छापा मार्दा प्रहरी बाँकेको ढकरीबाट ५४ ग्राउ ब्राउन सुगर सहित उनीहरूलाई पक्राउ गरेको प्रहरी स्रोतले जानकारी दिएको छ ।पक्राउ परेका मेजर शाही श्री मेयर गण, शम्सेरगञ्जमा कार्यरत रहेको प्रहरीको भनाई छ ।
पक्राउ परेका पौडेल लागुऔषधका ठूला कारोबारी भएको प्रहरीले दाबी गरेको छ । उनीहरूलाई जिल्ला प्रहरी कार्यालय बाँकेको हिरासतमा राखिएको छ ।