एजेन्सी। एक वृद्ध किसानले आफ्नो कडा मेहनतले गाउँका सयौं किसानको समस्या समाधान गरिदिएका छन् । ७० वर्षका ती किसानले ढुङगै ढुङगा भएको पहाडमा ढुङ्गा तोडेर १ किलोमिटर लामो नहर बनाएका हुन् । भारतको ओडिशा राज्यकादैत्री नायक नामका ती किसानलाई चट्टान तोडेर यो नहर बनाउन पूरै ३ वर्ष लाग्यो । अब भने पानीको कमीका कारण संकडमा परेका गाउँका किसानले दैनिक कामकाज र खेतीको लागि सहज पानी पाउने भएका छन् ।
यहाँको केन्दुझर जिल्लामा बाँसपाल, तेलकोइ र हरिचंदपुर गाउँमा सिंचाइको लागि कुनै व्यवस्था थिएन । खेतीको लागि किसानलाई वर्षाको पानीमै निर्भर रहनुपथ्र्यो । दैनिक कामकाजका लागि पनि उनीहरु पोखरीको फोहर पानी प्रयोग गर्न बाध्य थिए । प्रशासनले यो पहाडी क्षेत्रमा पानीको लागि कुनै व्यवस्था गरेको थिएन । यस्तोमा बैतरणी गाउँमा दैत्री नायकले यहाँ पानी ल्याउने निर्णय गरे ।
दैत्रीले भने ‘मैले परिवारसँग मिलेर नहर बनाउने काम सुरु गरें । मैले पानीको व्यवस्था गर्नको लागि ३ वर्षसम्म पहाडको चट्टान फोडें । मेरा परिवारले ठूला ठूला ढुंगा हटाउन मद्दत गरे । नहर खनेपछि अघिल्लो महिना गाउँमा पानी आएको छ । अब मात्र प्रशासनले यो खबर पाएको भन्दै सिंचाइ व्यवस्थाका लागि जरुरी कदम उठाउने बताएको छ ।
हेर्नुहोस् भिडियो ।
