जुम्ला । डा गोविन्द केसीको अनसनमा मुलुकभरबाट समर्थन जुट्ने क्रम बढेको छ । जुम्लामा शनिबारदेखि अनसन बसेका डा. केसीको समर्थनमा जुलुश प्रदर्शन हुन थालेका छन् । यसैक्रममा उनको अनसरनत जिल्ला जुम्लामा मंगलबार हथ्कडीसहितको नाङ्गो जुलुश निकालिएको छ । केसीको अनसनको समर्थनमा निकालिएको जुलुशमा उनका शुभचिन्तकसहित चिकित्सकहरुको समेत सहभागी रहेको थियो ।
हथ्कडीसहितको नाङ्गो जुलुश निकालिन थालेपछि स्थानीय प्रशासनले सुरक्षा व्यवस्था कडा बनाएको छ । सम्भावित झडप तथा दुर्घटना हुन नदिन सुरक्षाकर्मी बाक्लो रुपमा परिचालन गरिएको छ । साथै केही स्थानलाई निषेधित क्षेत्र समेत घोषणा गरिएको छ ।