काठमाडौं- तिनदिन पछि रुसमा सुरु हुने विश्वकप फुटवलमा अर्जेन्टिनाको यात्रा सेमिफाइनलसम्म पुग्ने भविष्यवाणी गरिएको छ । अर्जेन्टिनाइन फुटबल एसोसियशनले यस्तो भविष्यवाणी गरेको हो । एसोसियशनका प्रमुख क्लाउडियो टापियाले यसपटकको विश्वकपमा अर्जेन्टिनाले सेमिफाइनलसम्म पुग्ने लक्ष्य राखेको बताएका हुन् ।
‘सेमिफाइनल अर्जेन्टिनाको प्रमुख लक्ष्य रहेको छ’ प्रमुख क्लाउडियोले भने, ‘समुह डीमा रहेको अर्जेन्टिनाले क्रोसिया, नाइजेरिया र आइसल्याण्डसँग आमनेसामने गर्नेछ ।’ शिर्ष चारमा स्थान बनाउनु पनि सकारात्मक लक्ष्य रहेको क्लाउडीयोको भनाइ छ ।
यसपटकको विश्वकप पनि लियोनल मेस्सीको नेतृत्वमा उत्रिदैछ । सन् २०१४ को विश्वकप उपविजेता रहेको अर्जेन्टिनालाई यसपटकको विश्वकपमा छनौट हुन निकै गाह्रो भएको थियो । जसका कराण पनि विश्वकप जित्ने बलियो दाबेदारका रुपमा अर्जेन्टिना नभएको उनले दाबी गरेका छन् ।
