काठमाडौं । सोमबार साँझ ५ बजेर ३५ मिनेट जाँदा बाँसबारीस्थित न्यूरो अस्पतालमा अन्तिम श्वास लिएका वरिष्ठ न्यूरो सर्जन डा उपेन्द्र देवकोटाको आज अन्त्यष्टी गरिने भएको छ । दिउँसो १ बजेसम्म उनको पार्थिव शरीरलार्इ अन्तिम श्रद्धाञ्जलीका लागि अस्पतालमै राखिने जनाइएसँगै अहिले पार्थिव शरीरलाई श्रद्धाञ्जली दिनका लागी बाँसबारीस्थित न्यूरो अस्पताल परिसरमा उनका शुभेच्छुक तथा गन्यमान्यहरुको भिड लागेको छ ।
उनको पार्थिव शरीरमा पुष्पगुच्छा र श्रद्धाञ्जली चढाउनेको अस्पताल परिसरमा चढाउने काम भइरहेको छ । यसैबिच अस्पताल पुगेका शुभचिन्तक तथा सरकारी ओहदाका ब्यक्तिहरुले डा देवकोटाका परिवारजनलाई भेट गर्दै समवेदना प्रकट गरेका थिए। सो अवसरमा उनको शीरमा नेपाली ढाका टोपी छ ।
परिवारका सदस्यहरुका अनुसार डा। देवकोटाको इच्छाअनुसार नै निधनपछि दौरा सुरुवाल, ढाका टोपी र कोट लगाइएको बताइउको छ । नेपाली पोशाकमै नेपालमै प्राण त्याग गर्ने अन्तिम इच्छा अनुसार उनलाई बिदाई गर्ने तयारी परिवारले गरेको छ ।
