काठमाडौं । सडक किनारामा रोकिराखेको स्कुटर र त्यसमाथि बसेकी एक महिलालाई अनियन्त्रित गतिमा हुत्तिदै आएको हायसले ठक्कर दिएको छ । किनाराको स्कुटरलाई ठोक्दै सडक पेटीमा उक्लिएपछि मात्रै हायस रोकिएको थियो । हायसका पांग्रा मुनी परेकी महिला निकैबेर छटपटाउँदै आमा आमा भनिरहिन् ।
स्कुटर र महिला दुबैलाई हायसको पांग्राले थिचेको थियो । काठमाडौंको बुढानिल्कण्ठ मिलन चोकमा यो दुर्घटना भएको हो । बुढानिल्कण्ठबाट बिष्णुमती तर्फ जाँदै गरेको बा ४ ख १८८४ नम्बरको हायस सडकमा फर्काउने क्रममा अनियन्त्रित भइ किनारामा हुत्तिदै आएको प्रत्यक्षदर्शी बिष्णु थापाले बताए । किनारामा रोकि राखिएको बा ७१ प १८८७ नम्बरको स्कुटरलाई हायसले ठक्कर दिएको हो ।
तत्कालै स्थानीयले चालकलार्इ नियात्रणमा लिएर प्रहरीलार्इ जिम्मा लगाएका छन् । सवारी चालकले स्थानीयको कुटाइ खाएका थिए । शनिबार दिउसो करिव १ बजेको समयमा भएको यो दुर्घटनाकी घाइते महिलाको अवस्था गम्भीर छ । उनलाई उपचारको लागि अस्पताल लगिएको छ । पांग्रा मुनि च्यापिएकी घाइते अवस्थाकी महिला आमा, आमा भन्दै निकैबेर छटपटाएकी थिइन्