फ्लोरिडा÷एजेन्सी ।
अमेरिकाको फ्लोरिडा राज्यमा जारी मियामी ओपन टेनिस महिलातर्फ स्लोएनी स्टेपहेन्स र जेलेना आस्टापेन्कोबीच उपाधि भिडन्त हुने भएको छ । शुक्रबार दोस्रो फाइनल प्रवेशको खेलमा युएस ओपनकी विजेता अमेरिकी स्लोएनी स्टेपहेन्सले बेलारुसकी भिक्टोरिया अजारेन्कालाई पराजितगर्दै फाइनलको यात्रा तय गरेकी हुन् । पहिलो सेटमा ३–५–६ को सेटमा पराजित भएकी स्टेपहेन्सले भिक्टोरिलालाई लगातार दुई सेट पराजित गरिन् । उनले ६–२ र ६–१ स्कोर बनाएकी थिईन् ।
यसअघि बिहिबार भएको पहिलो सेमिफाइनल खेलमा लाटभियाकी जेलेना आस्टापेन्कोले अमेरिकी डेनीली कोलिन्सलाई सोझो सेटमा पराजितगर्दै फाइनमा स्थान बनाएकी थिईन् । उनले ७–६, ७–१ र ६–३ को जित हासिल गरेकी थिईन् । अब दुवैबीचको फाइनल खेल शनिबार हुनेछ ।
